LEISTUNGEN
G´schichten
I mog as Schreib´n vo G´schichten für a Liadl, mit oder ohne Musi ois Vorlag´.
De richtigen Wörter für a Liad zum finden, is oane vo meine groaßen Stärken. Ois Sprachtalent mit dem nötigen Einfühlungsvermögen, der Fantasie und Erfahrung suach i de richtigen Worte, Reime und G´schichten raus, damit ma beim Lus´n am Sänger an de Lippen hängt.
Liadl macha
As Schreib´n vo ganze Liadln – des is genau mei Sach´! Vo da ersten Idee bis zur professionellen Demo-Aufnahme.
I bin a Voibluad-Liadermacher mit am guaden G´spiar dafür, was a Liad braucht, damit´s glei ins Herz geht und gleichzeitig a kommerzieller Erfoig werd´.
Es fangt oiwei o mit am Gedanken, ´ner Idee, ´ner Beobachtung oder ´ner Erfahrung, de mi dazua inspiriert, dass i mei Klampf´n, an Stift und an Block nimm und ofang a Liadl zum Schreib´n.
Wie i seiber koa Sänger bin, schreib´ i den Song bloß. As Ergebnis kennan bloß meine Notizen sei, aber gern aa a hochwertig´s Demo – g´sunga vo am g´scheiten Sänger – ois Vorlag´ für Eier zuakünftig´s Liadl.
Auf Bestellung
Liadl und G´schichten auf Bestellung. Da schaug her…
Du brauchst an Song, a G´schicht´ oder a Gedicht für a Album, a Projekt oder an b´sonder´n Anlass? Dann riah Di!
Ois, was i so dua, mach´ ich aa auf Bestellung. Ob´st a Hit Single suachst, an Fuim-Song, an Werbesong oder sonst irgenda Liad…i konn Da heifa!